Ябыкканда авырлык туктап калса, нишләргә?

Ябыгу диетасында утырганда кайвакыт авырлык туктап кала һәм аны урыныннан берничек тә кузгатып булмый. 

Моның сәбәбе нәрсәдә?

Medik-forum.ru порталы бу сорауга җавап язган.

1. Бер үк куәттәге физик тренировкалар уздыру авырлык катып калуның сәбәбе булырга мөмкин. Айдан айда, елдан елга гел бер үк төрле авырлык белән күнегүләр ясыйсыз икән, авырлыгыгыз туктаячак, дип кисәтә экспертлар. Шуңа да күнегүләрне даими рәвештә төрләндереп торырга кирәк.

2. Калорияләрне контрольдә тотудан туктау. Артык авырлыктан котылу өчен, кеше кулланганнан күбрәк калория яндырырга тиеш. Моның өчен исә күпме калория ашаганны төгәл санап бару кирәк.

3. Тренировкадан соң һәм тренировкага кадәр дөрес ашамау. Спортзалга ач карын белән барырга ярамый, чөнки тренировкалар өчен энергия кирәк. Ә тренировкадан соң файдалы ризык мышцалар эшчәнлегенә ярдәм итә.

4. Утырып тору. Атнасына берничә тапкыр спортзалга йөрим дип, башка вакыт гел утырып тору авырлык кимүенә китерми. Һәрвакыт хәрәкәтләнергә кирәк, алайса хәтта спорт та кирәкле нәтиҗәгә китермәячәк.