ВКонтакте Казанда шәһәр яңалыклары лентасын ачып җибәргән

6 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

ВКонтакте Казанда шәһәр яңалыклар лентасын ачып җибәргән. Анда кулланучылар үз төбәге өчен актуаль материаллар таба ала: вакыйгаларның анонслары, яңалыклар, тематик язмалар һәм җирле авторларның публикацияләре.

Яңа лента яңалыклар тасмасында аерым кушымта рәвешендә күренә. Ул “ВКонтакте” челтәрендә үз профилендә Казанны күрсәткән һәм шәһәрдә булган кулланучылар өчен ачык булачак. Шулай ук, лентаны vk.com/feed?section=kazan сылтамасы буенча активлаштырырга мөмкин.

Шәһәр лентасында беренче этапта төбәктәге вакыйгаларны яктыртучы һәм VK ның төбәктәге вәкилләре алдан сайлаган массакүләм мәгълүмат чараларыннан, популяр авторлар һәм зур берләшмәләрдән материаллар урын алачак. Киләчәктә шәһәр лентасында теләсә нинди авторның язмалары пәйда булырга мөмкин. Моның өчен кулланучыларга киң даирә укучыларга кызыклы уникаль материаллар булдырырга һәм ВКонтактедагы кагыйдәләрне үтәү кирәк.

Диләрә Махиянова, “ВКонтакте” челтәренең Казандагы вәкиле:

“ВКонтакте”ның Казанда төбәк вәкиллеген ачкан вакытта, VK ны җирле халыкка якынайтырга теләвебезне әйттек. Өч ай эш барышында мин контент тудыручы җирле авторлар белән танышырга өлгердем. Бу аралашу беренче эксперимент өчен кире элемтә булдырырга ярдәм итте. Шәһәр яңалыклар тасмасы – төбәк вәкиллекләре үсешендә чираттагы адым. Төбәк лентасы казанлыларга шәһәрнең бай тормышыннан хәбәрдар булырга, талантлы авторларның иҗаты белән якынрак танышырга ярдәм итәчәк”.

Шәһәр тасмасы белән “ВКонтакте” члетәренең төбәк вәкиллекләре эшләгән башка шәһәрләр – Екатеринбург, Түбән Новгород та танышып бара алачак.

ВКонтакте матбугат хезмәте

press@vk.com


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла