Ни өчен урманнан чәчәк җыеп кайтырга ярамый?
Сорауга ТР Роспотребнадзор идарәсе җитәкчесе урынбасары Любовь Авдонина җавап бирде.
- Табигатьтә урман бете кадалуны булдырмас өчен, профилактика максатыннан, санитар һәм гигиена таләпләрен үтәргә кирәк. Шәхси гигиена таләпләре зур чыгымнар таләп тә итми. Беренчедән, табигатькә ял итәргә чыкканда ачык төсле киемнәр кияргә кирәк. Ул озын җиңле булырга тиеш. Муеннарны да ябыгыз. Чалбар балагын носкига кыстырырырга, башка яулык бәйләргә кирәк. Урманнан кайткач, үз-үзегезне карарга онытмагыз. Урман бете аеруча да муен, колак тирәсен ярата. Киемне инструкциядә күрсәтелгәнчә, махсус спрей-репллентлар белән эшкәртергә дә була. Чирәмгә утырырга, ятарга тырышмагыз. Пикник өчен урын сайлаганда, аның үсемлекләрдән чистартылган булуы шарт. Урманнан кайткач, өс киемнәрен генә түгел, үзегез белән барган йор хайваннарын - эт-песи, атны да карарга кирәк. Өегезгә чәчәк, гербарийлар алып кайтмаска тырышыгыз. Чөнки күп очракта урман бете аларга да ияреп кайта.