Уразаны башында 3 көн, уртасында 3 көн, ахырында 3 көн тотарга ярыймы?

14 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
Рамазан аенда кайбер көннәрне генә ураза тотучылар бар.
Сорауга Татарстан мөфтиенең шәригать мәсьәләләре буенча киңәшчесе Булат хәзрәт Мөбәрәков җавап бирде. - Алай дөрес түгел. Алай тоткан һәрбер көне өчен фарызны үтәгән була. Мәсәлән, бер көн тотса, 30 яки 29 көннең бер көнен үтәгән була. Әгәр дә башында 3 көн, уртасында 3 көн, ахырында 3 көн тота икән, ул уразаның 9 көнен тоткан була. Бөтенләй фарызны үтәгән булмый. Намазны укыган шикелле. Бары тик мин иртәнге намазны гына укыйм, башка намазларны укымыйм дигән шикелле була. Ләкин ул уразалары дөрес булмый дигәнне аңлатмый. Уразалары дөрес була, ләкин башка уразаларны калдырган өчен, ул гөнаһлы була. - Ул калдырган көннәрне ничек тотарга тиеш була, 1 көн өчен 1 көнме? - Әйе. Монда 1 көн өчен 1 көн. Әгәр дә гомумән ниятләмәгән булса. Мәсәлән, иртәгә уразаның 5 нче көне ди. “Мин бүгеннән үк әйтәм, мин иртәгә кермәячәкмен. Ниятем юк минем керергә уразага”, ди. Һәм дә ашап, эчеп йөри. Ул вакытта, ул көн өчен бары тик каза гына кыла, кәффәрәт тотмый. Чөнки, ул шундый зур гөнаһ була ки, аны кәффәрәт капламый ул зур гөнаһны. Ләкин әгәр дә сәбәпсез бозган булса уразаны, андый вакытта 60 көн кәффәрәт кирәк була. Чөнки бу гөнаһны кәффәрәт каплый. Ләкин теге гомумән тотмаганны, анда бары тәүбә була. Чөнки кәффәрәт ул гомумән тотмаган өчен, ул гөнаһны капламый. Махсус уразаны бозсаң, ул көн өчен 60 көн кәффәрәт тотасы була. Мәсәлән, гомерендә күпме көн махсус белә торып уразаны бозган булса, ничә көне булса, алар өчен бары бер тапкыр 60 көн кәффарат тотарга кирәк була. Ләкин һәрбер көн өчен каза да кирәк була, анысы аерым. Мәсәлән, мин 2017 елда 2 көн боздым, 2018 елда сәбәпсез 1 көнне боздым. Бу 3 көннең казасын тотарга кирәк була, һәм дә 60 көн Хиҗри тәкъвим буенча, 2 айны рәттән бер-бер артлы кәффәрәт тотарга кирәк була. Сәбәп белән булса, гөнаһ түгел ул. Сәбәпсез тотмаса, ул шулкадәр зур гөнаһ була, аны кәффәрәт капламый.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла