Томск галимнәре колорадо коңгызын юкка чыгара торган җайланма уйлап тапкан
Томск галимнәре колорадо коңгызын юкка чыгара торган җайланма уйлап тапкан
Томск шәһәре галимнәре бәрәңге кырларын колорадо кортыннан коткара торган уйлап тапкан, дип яза “Российская газета”. Әлеге җайланма авыл хуҗалыгы җитештерүчеләренен хезмәтен җиңеләйтәчәк һәм химик агу кулланун күләмен киметәчәк.
“Робот-бакчачының” беренче эшләнмәсе авыл хуҗалыгы форумында Томск шәһәрендә күрсәтелгән. Робот үзйөрешле платформа, навигация системасы, химик һәм механик тәэсир итә торган эшкәртмәләрдән.
“Корт личинкалары, гадәттәге ысул белән юкка чыгарыла, - ди Томск политуниверситеты матбугат хезмәткәре. - Ә инде зур кортларны робот бәрәңге ботакларын селкеп төшерә һәм җиргә төшкәннәрен агулый”.
Бу җайланма сигез сәгать эчендә гектар ярым бәрәңге кырларын кортлардан чистартырга мөмкин. Камилләштергәннән соң робот тәүлек әйләнәсе эшли алачак.
“Роботны куллану агу кертү күләмен һәм басуларны эшкәртү өчен кулланылган ягулык күләмен ике тапкырга киметергә мөмкинлек бирә”, - ди проект җитәкчесе, доцент Александр Тырышкин.
Роботны җәен кырларда сынаячаклар. Беренче робот модельләре бакча коооперативларында һәм кечкенә хуҗалыкларда кулланыр өчен ясалган. Галимнәр җайланманы зур хуҗалыклар өчен дә чыгаруны планлаштыра.