Татарстанда иң югары хезмәт хакын кемнәр ала?
Head Hunter компаниясе белгече Александра Севостьянова Татарстанда иң югары бәяләнүче профессияләрне атады.
– Иң югары хезмәт хакы белән бәяләнә торган профессияләргә, традицион рәвештә, топ-менеджмент, сәүдә өлкәсе, ИТ-тармак, төзелеш һәм җитештерү өлкәләре керә.
Мисал өчен, топ-менеджерлар Татарстанда уртача 80 мең сум хезмәт хакы алырга мөмкин. Әлеге һөнәрдә бер вакантлы урынга 9 кеше дәгъва кыла.
Төзүчеләр өчен уртача хезмәт хакы 50 мең сумны тәшкил итә.
Сәүдә өлкәсендә эш бирүчеләр 25 мең сумнан башланган хезмәт хакы тәкъдим итә. Бу өлкәдә хезмәт хакына чикләүләр юк диярлек. Әйтик, күчемсез милек сату менеджерларының 400 мең сумга кадәр хезмәт хакы алу мөмкинлеге бар.
Хезмәт базарында ИТ-белгечләргә булган ихтыяҗ да кимеми. Бүген бер урынга 2 резюме туры килә, - диде белгеч.