Россия Федерациясенең хезмәт һәм мәшгульлек министрлыгы Яңа ел бәйрәмнәре алдыннан дәүләт хезмәткәрләренә бүләк бирү һәм кабул итүнең тыелганлыгы турында искәртте.
Коррупциягә каршы хокукый документлар һәм РФ Гражданлык кодексы нигезендә, дәүләти һәм муниципаль вазифада булучылар, дәүләти һәм муниципаль хезмәткәр саналучылар, аерым оешмаларда эшләүчеләргә бүләкләр бирү тыела. Протокол чаралары, хезмәт белән бәйле командировкалар һәм башка рәсми чаралар искәрмә булып тора.
Вазифаи затларның бүләк кабул итүе РФ законнарын бозу санала. Закон нигезендә моның өчен, ышаныч бетү сәбәпле, эштән азат итәргә мөмкиннәр, ә бүләк ришвәт алуга тиңләшкән очракларда җинаять җаваплылыгына тарту да каралган, диелә министрлык хәбәрендә.
"Теге яки бу хезмәтләрне бушлай кабул итүдән, эш нәтиҗәләрен кабул итүдән, шулай ук милек кабул итүдән тыелырга кирәк, чөнки вазифаи затка материаль файданы исәптә тоткан теләсә нинди бүләк алу тыелган", - дип белгеләп үтә министрлык.