Әстерхан чикләвеге - иң файдалы туклыклы ризыкларның берсе. Күптән түгел испан табиблары һәм сәламәтлек саклау белгечләре әлеге чикләвекне туклану рационына кертүнең биш сәбәбен атады.
Чәчләрегезне сәламәтләндерергә теләсәгез һичшиксез әстерхан чикләвеге ашарга кирәк. Аларды биотин (В7 витамины), цинк, тимер бар. Бу файдалы элементлар чәчләрне ныгыта, аларның коелуын киметә һәм үсешен яхшырта. Тире һәм чәчләр өчен тагын бер яхшы косметик чара - әстерхан чикләвеге мае.
Йөкле вакытта әстерхан чикләвеге ашау яңа туган балаларда азык аллергиясе булу ихтималын киметә. Йөкле хатын-кызлар өчен алар файдалы, май кислоталарына бай диета өчен менә дигән өстәмә булып тора.
Әстерхан чикләвеге хәтер һәм баш мие эшчәнлеге өчен файдалы. Рационда Омега-3 май кислотасы җитәрлек булмау депрессия китереп чыгарырга, хәтерне начарайтырга һәм акылны зәгыйфьләндерергә мөмкин. Әстерхан чикләвеге моны кисәтә.
Әстерхан чикләвегенең төп өстенлеге - аның составында антиоксидантлар һәм В витаминнары булу. Алар иртә картаю билгеләрен җиңәргә ярдәм итә. Бу чикләвекне даими кулланганда тире шомара, төсе матурлана.