Сезнең тормышны "агулаучы" 5 төр кеше

29 Декабря 2017

Фото: Рамил Гали
Акыл иясе Джим Рон болай дигән: «Сез – ул күп вакытыгызны бергә башкара торган әнә теге биш кеше».
Әгәр сезнең дә тормышыгызда бу шулай икән, тиз арада яныгыздагы зарарлы гадәтләре булган кешеләргә игътибар итәргә кирәк. Сезнең исемлектә андый кешеләр бар икән, аларның начар гадәтләре сезгә күчмәсен өчен алардан ерак торырга тырышыгыз. Менә бу биш кешедән читтәрәк йөрсәгез, тормышыгыз көйле барачак.

1. Пессимист

Мондый кешеләр янәшәсендә көнегез караңгы һәм төссез узачак. Пессимистлар һәрвакытта да якты кояш урынына болытлы көн күрәләр. Алар яхшыга караганда начарлыкка күбрәк ышана. Күңел төшенкелегенә бирелү, тормыштан кәнагәть булмау, бар нәрсәдән дә зарлану - пессимист авыруының беренче билгеләре. Үзегез дә пессимистка әйләнмәс өчен аларны читләп үтегез.

2. Көнче


"Көнләшү "дигән ямьсез хис тормышны җимерергә мөмкин. Аның битлекләре күп төрле, билгеләрен тиз генә танып та булмый. Көнчеләр сездә нәрсә бар, шуны үзләренеке итәргә телиячәкләр.

3. Гәйбәтче


Әгәр дә сезнең дустыгыз һәрвакыт бүтән кешеләрне тикшерә, алар турында гәйбәт сүзләр сөйли икән, ул гайбәтче. Ул бүтән кешеләрне начар яктан күрсәтәм дип, бүтәннәр алдында үзенең дәрәҗәсен генә төшерәчәк. Андый кешедән дә котылырга кирәк.

4. Корбан

Мондый кешеләрнең тормышы гел моң-зардан гына тора. Әлләни зарланырлык сәбәпләр булмаса да, алар аны эзләп табачак. Корбаннар авыр ситуацияләрдә һәрвакыт бүтәннәрне гаеплиләр. Начар эштә эшләсә - җитәкчелек, үзенең ялгыз булуында - дуслары, сәламәтлеге начар булса - урамдагы һава торышы гаепле булыр. 

5. Сатлыкҗан

Сез кайсы дусларыгызга ышанырга, ә кайсыларына серләрегезне ачып салмаска икәнен беләсезме? Моңа лаек булмаган кешегә ышанырга ашыкмагыз. Сатлыкҗаннар сезнең белән дус булып, йөрәк түрендә сакланган иң зур серегезне белергә тели.


Фикерләр








Сорау-җавап

Балалар өчен чыгарылган косметика зыянлымы?

Җиде яшьлек кызым минем косметика белән бизәнә. Балалар тәне өчен олыларның косметикасы зыянлы булуы хакында беләм. Балалар өчен чыгарылган бизәнү чараларын кулланырга мөмкин микән?

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла