Россиянең иң бай буйдаклары кемнәр?

Forbes журналы Россиядә иң бай кияүләр исемлеген яңартты. Бу турыда НТВ каналы хәбәр итә.

Россиядә иң бай кияү  — «Альфа-групп» компаниясе җитәкчесе Михаил Фридман. Аңа 54 яшь, хатыны белән аерылышкан. Фридманның 15 млрд доллар акчасы һәм дүрт баласы бар

Аннан соң икенче урында «Челси» футбол клубы хуҗасы Роман Абрамович. Аның 12,5 млрд доллар акчасы, өч аерылган хатыны, җиде баласы бар.

Өченче урында «Онэксим» группасы хуҗасы Михаил Прохоров. Аңа 53 яшь, бер тапкыр да өйләнмәгән.

Шуннан соң «Монако» клубы хуҗасы Дмитрий Рыболовлев. Ул элеккеге хатыны белән уртак милеген җиде ел дәвамында бүлешкән. Хәзер аның элеккеге хатыны Елена Рыболовлева Россиядә иң бай хатын-кызлар исемлегендә.

Бай кияүләр бишлеген «Альфа-групп» компаниясе хуҗаларының берсе Пётр Авен йомгаклый.