Россиядә иң күп хезмәт хакын кайсы һөнәр ияләре ала?
Иң югары хезмәт хаклары Үзәк һәм Ерак Көнчыгыш федераль округларында, ә иң азы - Төньяк Кавказда.
Россиядә иң югары хезмәт хакын финанс өлкәсендә эшләүчеләр ала. Мондый нәтиҗәгә НАФИ аналитика үзәге белгечләр килгән дип яза “Российская газета”.
2018 елда финансистларның уртача хезмәт хакы аена 88 мең булган. Бу илдәге уртача керемнән ике тапкырга артык. Икенче урында чыгаручы тармак – якынча 87 мең, өченчедә - мәгълүмати технологияләр һәм элемтә – 71 мең сум.
Исемлекне хезмәт күрсәтү секторы вәкилләре төгәлли: кунакханә һәм җәмәгать туклануы эшчеләре – 28,2 мең, ә “коммунальщиклар” – 30,5 мең ала.
Географик билгеләр буенча караганда иң югары хезмәт хаклары Үзәк (53,4 мең) һәм Ерак Көнчыгыш (52,8 мең) федераль округларында, ә иң азы Төньяк-Кавказда (26,3 мең).