Отпускка киткән коллегаларын алыштыручыларга хезмәт хакы ничек түләнә?
Хезмәткәрләрне алыштыруның берничә варианты карала: ялга киткән хезмәткәр урынына калу, вакытлыча күчерү һәм вакытлы хезмәткәр яллау.
Хезмәт һәм мәшгульлек федераль хезмәтендә чираттагы ялга киткән коллегаларын алыштыручыларга хезмәт хакы ничек түләнәчәген аңлаттылар. Бу хакта «Российская газета» яза.
Хезмәткәрләрне алыштыруның берничә варианты (урынына калу, вакытлыча күчерү һәм вакытлы хезмәткәр яллау) карала.
Вакытлыча күчерү бары тик чираттагы ялга киткән коллеганың эшен башкаруны гына күздә тота.
Коллегасы урынына калган вакытта хезмәткәр үзенең буш вакытын икенче хезмәткәр өчен өстәмә эш башкаруга сарыф итә. Бу очракта хезмәткә түләү суммасы өстәмә килешүдә күрсәтелә, ул башкарылган эшнең вакытына һәм күләменә бәйле.
Мондый алым хезмәткәрнең язмача килешүе белән генә тормышка ашырыла ала. Шул ук вакытта, хезмәткәр җитәкче тәкъдим иткән өстәмә эштән баш тартырга да мөмкин.