Отпуск акчасы бирмәсәләр, эштән китәргә мәҗбүр итсәләр, кая шалтыратырга?

Казан халкы хезмәт хакларын түләмәү яисә соңарып түләү, эштән китәргә мәҗбүр итү, хезмәтне законлаштыру буенча проблемалар, отпуск акчасын күчерү тәртипләрен бозу, хезмәтне саклау тәртипләрен бозу, җитештерүдә бәхетсезлек очракларын, һөнәри авыруларны яшерү һ.б. мәсьәләләр буенча кайнар элемтәгә шалтырата ала.

• Кайнар элемтә номеры: (843) 299-16-53. 
  

Кабул ителгән зарлар шәхси тәртиптә каралачак, диелгән әлеге хәбәрдә.

Гражданнар мөрәҗәгатьләре шулай ук Татарстан дәүләт хезмәтләре порталында “Халык контроле” системасында, +7 (843) 525-20-23 номеры белән ТР Дәүләт хезмәт инспекциясе кайнар элемтә телефоны буенча да кабул ителә. Шулай ук www.онлайнинспекция.рф адресы буенча хезмәткәрләр һәм Федераль хезмәт инспекциясе арасында хезмәттәшлекне тәэмин итә торган электрон сервислар системасы аша мөрәҗәгатьләр кабул ителә.

 ***

Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110. Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.