Нобель премиясе лауреаты яман шешнең яңа сәбәбен әйтте

14 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Химия буенча Нобель премиясе лауреаты Томас Линдал радиация, кояштан килгән ультрашмәхә нурланыш, ризыктагы канцерогеннар яман шеш авыруына төп сәбәп була алмый дип саный. Бу турыда ТАСС агентлыгы хәбәр итә.

Томас Линдал фикеренчә, ультрашәмәхә нурланыш тире яман шеше китереп чыгарса да, ул бит баш миендә, бавырда яман шеш китереп чыгара алмый.

Галим яман шеш авыруы күзәнәкләр эчендә бара торган гидролиз процессына бәйле дип саный. Гидролиз вакытында су молекулалары бүленә һәм кислородның агрессив формалары барлыкка килә. Шуннан соң тискәре мутацияләр килеп чыга. Ул үз теориясен яклап, акчага бәхәсләшергә әзер булуын әйтә.

Кислород һәм су кеше тереклеге өчен иң кирәкле элементлар. Аларны организмнан алып атып та, барлыкка килүен туктатып та булмый. Шуңа күрә яман шешне тулысынча җиңү мөмкин түгел, аның белән көрәш һәм дәвалау өчен нәтиҗәле ысуллар табарга кирәк дип исәпли Нобель премиясе лауреаты.

Томас Линдал тәмәке тартудан бөтенләй баш тартырга, һичьюгы тәмәке санын киметергә киңәш итә. Тәмәке төтене кислородның агрессив формасы кебек үк тәэсир итә дип саный ул. Бу очракта да тискәре мутацияләр килеп чыга.

Галим фикеренчә, якындагы киләчәктә яман шеш белән көрәш өчен яңа ысул табылмаячак, табигать миллиард еллар дәвамында да яман шешкә чара тапмаган бит, ди ул.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла