Нинди төшләр үлем турында кисәтә?

1 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
Америка галимнәре хосписта яшәүчеләр күргән төшләрне өйрәнгән. Табиблар фикеренчә, кешеләр үләр алдыннан үзенчәлекле төшләр күрә. Каты авыру кешеләр күргән төшләрне анализлап, шундый нәтиҗә ясаганнар. Бу турыда АКШта чыга торган "Журнал паллиативной медицины" басмасына сылтама белән "Челнинские известия" сайты хәбәр итте. 

Авыруларның күбесе үләр алдыннан билгеле бер сюжет һәм төгәл детальләрне төштә күрә. Күп очракта аларга төштә мәрхүм туганнары килә һәм үзләре белән чакыралар, аларны юаталар һәм сөйләшәләр. Каты авыру балалар төшләрендә үлгән йорт хайваннарны күрә, алар белән уйный икән.

Тупланган белешмәләр буенча анализ ясаганнар.Тикшеренүдә катнашкан кешеләрнең 59 проценты үләр алдыннан төшендә сәяхәткә җыенганын күрә. Сәяхәткә җыенганда алар янына туганнары килә, биредә исәннәр дә, мәрхүмнәр дә бергә була. Туганнар бик яхшы аралаша, төш күрүче кешенең туганнары белән аерылышасы да килми.

Тикшеренүдә катнашкан кешеләрнең 29 проценты үләр алдыннан күргән төшендә күптән күрешмәгән, яисә бөтенләй аралары өзелгән исән туганнары белән аралаша.

Авыруларның 28 проценты үләр алдыннан күргән төшендә үз тормышында матур мизгелләрне төшендә яңарта башлый. Бу төшләр уңай хисләр тудыра.

Тикшеренү авторлары фикеренчә, мондый төшләрне күргәч, җитди авыру кешеләр үзләренең үлеме якынлашуын тыныч кабул итә, моның белән килешә, тынычланып кала.

  Без Инстаграмда

Фикерләр








Сорау-җавап

Җыеп кайткан гөмбә арасында агулысы бармы-юкмы икәнен белеп буламы?

Сорауга КФУның Экология һәм табигатьне куллану институтының гомуми экология кафедрасы ассистенты Ким Потапов җавап бирде.

Сорау-җавап

Гөмбә ашап агулануны эчәк инфекциясеннән ничек аерырга?

Сорауга ТР Сәламәтлек саклау министрлыгының штаттан тыш баш токсикологы, Казан шәһәре 7нче хастаханәсенең токсикология бүлеге мөдире Алия Насыйбуллина җавап бирә:

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла