Ни өчен Яңа елда машина теләргә ярамый? - Кыш Бабай җавабы
Бу сорауга Кыш Бабай җавап биргән, дип яза РИА Новости.
"Яңа елга бүләккә машина теләүчеләр елны "бөке"дә каршы алыр", - дигән Дед Мороз (Великий Устюгта яшәүче рәсми Кыш Бабай).
- Зинһар, телисе теләгегезне алдан ук билгеләп куегыз. Ул иң-иң булырга тиеш. Зинһар, фатирлар һәм машиналар сорамагыз, - дигән ул.
Кыш Бабай шулай үзен күрергә теләгән балаларны да кисәткән: Яңа ел төнендә мине күрергә омтылмагыз, дигән.
"Киләм: чыршы астында яшь дустым утыра һәм минем бүләк китергәнне көтә. Дусларым, сез хәйләкәр, ә мин хәйләкәррәк. Сез барыбер күзегезне йомып алырсыз. Күзегезне йомган арада мин бүләкләр дә куярга өлгерәм, өй эшегезне дә тикшерәм. Менә шулай", - дигән ул.
Яңа ел алдыннан беренче булып Дед Мороз Россиянең 22 шәһәрендә, шул исәптән Казан, Төмән, Чиләбе, Мәскәү, Сарытауда булачак икән.