Ни өчен иртән кофе эчәргә ярамый?

12 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Иртән торгач, кеше организмында кортизон гормоны синтезлана башлый, ә кофе аны туктата.

Күп кешеләр иртәнге ашны кофе эчүдән башлый. Галимнәр фикеренчә, бу — начар гадәт. «Вести» каналы шул хакта яза.

Кофены беркайчан да ач карынга эчәргә ярамый. Гомумән, җиңелчә иртәнге аш ашкайнату системасына зыян китерә. Ашказанында артык кислота барлыкка килә. Шуннан соң сару кайнау, эчәклек эшчәнлеге бозылу, эч китү барлыкка килергә мөмкин.

Ач карынга кофе эчкәч, кеше нервыланырга, кәеф кисәк үзгәрергә мөмкин, дип сөйләгән табиб Адам Саймон (Adam Simon). Болар кофеинга бәйлелек симптомы булу ихтимал.

Кофе составындагы кофеин биологик ритмнарга да йогынты ясый. Иртән торгач, кеше организмында кортизон гормоны эшләп чыгарыла башлый. Ул игътибарлылыкны сакларга ярдәм итә. Кофеин исә бу гормон күләмен киметә. Кеше игътибарсызрак һәм сүлпән була.

Иртәнге кофедан баш тартып булмаса, нишләргә соң? Һичшиксез — ни дә булса ашап куярга кирәк. Диетологлар аксымлы иртәнге аш булырга тиеш ди. Андый аш булмаса, һичьюгы ни дә булса ашап кую хәерле.

«Кофеинны азык белән бергә кабул итегез. Бер кисәк бутерброд булса да кабып куегыз. Ашый алмасагыз, бер-ике кабым булса да чәйнәгез», — ди киңәш иткән диетолог Лесли Ланжевин (Leslie Langevin).


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла