Новосибирск мэриясенең хуҗалык эшләре буенча идарәсе җитәкчесе Наталья Малиновскаяның өендә тентү уздырган. Тентү вакытында табылган капчык-капчык акча тикшерүчеләрне дә шаккаттырган.
Шәһәрнең үзәк суды Малиновскаяны 1 апрельгә кадәр кулга алган. Әлегә бу карар үз көченә кермәгән дип хәбәр итә Новосибирск Үзәк районы суды. Түрә акча әрәм-шәрәм итүдә гаепләнә.
Малиновская белән бергә аның әшнәләре булып саналган кешеләр - эшмәкәрләр кулга алынган. Ул эшмәкәрләр шәһәрдә зур контрактлар башкарган.
Наталья Малиновская бу вазифада 2013 елдан бирле эшли.
Фотолар Новосибирск шәһәренең иң зур пабликларында - «АСТ-54» һәм «Инцидент.Новосибирск» сайтларында чыкты. "Комсомольская правда-Новосибирск" үз чыганакларына таянып, бу фотоларның дөрестән дә Малиновская фатирында төшерелгәнен әйтә.
Фото vk.com/incident_nsk