Машинаны туктап торган килеш "холостой"да эшләтергә ярыймы?

9 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
Пассажирлар көткәндә, бөкедә торганда, двигатель бушка эшләп тору машинага зыян китерә.

Машина моторын туктап торган килеш, ягъни "холостой"га эшләтеп тору зыянлы. Пассажирларны озак көткәндә, бөкеләрдә торганда, машинаны бушка эшләтеп тору начар гадәт. Бу турыда автомобильчеләр өчен киңәшләр сайтында аңлатылган.

Заманча "акыллы" машиналарда урнаштырылган термостат антифриз температурасын көйләп тора. Ул зур әйләнешләр булганда антифризны суыта, бушка эшләп торганда, ягъни "холостой"да эшче температураны күтәрә торган итеп көйләнгән. Ягулыкны сарыф итүне киметү өчен, термостат шулай эшләнгән.

Мотор югары температурада эшләп торуы бик начар. Бу вакытта майның майлау үзлекләре югала, ул сыегая һәм двигательнең яну камераларына агып чыга. Резинадан эшләнгән детальләр — патрубкалар, сальниклар катылана. Хәтта идарә итә торган термостат булмаса да, "холостой"га эшләгәндә газ алмашы начарлана, шуңа күрә май искерә һәм кокслана.

Бушка эшләп торып артык җылынган моторны кисәк кенә урыннан кузгатканда, режимнар алмашу сәбәпле, цилиндрда детонация барлыкка килә. Бу исә пешкәкләр төркеменә берьюлы бик зур йөкләнеш бирә.

Машина двигателен шул итеп борчып торсаң, кыйммәтле капремонт кирәк булуы ихтимал.

Шуңа күрә эшләп торган двигатель белән озак вакыт туктап тормаска киңәш ителә. Бөкеләрне урап узу хәерлерәк булыр, ди белгечләр.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла