Лейкозлы сыерларның продукциясен кулланырга ярыймы?
Сорауга Татарстанның Министрлар Кабинеты Баш ветеринария идарәсенең эпизоотиягә каршы эшчәнлек бүлеге җитәкчесе Александр Козлов җавап бирә.
Шәхси секторда тикшерелгән терлектән 10-12 процент йогышлысы ачыклана. Аннары өстәмә тикшеренү нәтиҗәсендә, гематологик авыртулы терлекләр ачыклана. һәм бу очракта ике атна эчендә иткә тапшыруны киңәш итәбез. Продукцияне термик эшкәртүсез куллану ярамый, кайбер очракларда ите ашарга ярамаслык булырга да мөмкин. Кеше өчен куркыныч түгел, термик эшкәртүдән соң вирус үлә, ләкин терлекнең клиник билгеләренә кадәр җиткерергә ярамый. Йогышлы гына булган вакытта продукциясен куллану ярый. Ветеринария кагыйдәләре нигезендә, йогышланган терлекнең сөтен термик эшкәртүсез эчмәү хәерлерәк. Ә авыртуның тирән стадиясенә җиткән терлекләрнең продукциясен куллану киңәш ителми. Лейкоз вирусы термик эшкәртүдән курка, ә шәхси секторда бит кайнатмыйча да эчәләр. Шуңа күрә сөтне тыныч күңел белән эчәр өчен, гел тикшереп тору кирәк. Авыртуга шик төшсә, сөт җыючылар да андый сыер сөтен кабул итми. Шәхси секторда йогышлы терлекләрне тотмаска киңәш итәбез. Сәламәт терлеккә алмаштыру хәерлерәк.