Кызларның тырнак буявы төсе нәрсә аңлата?
Кызларның тырнак буявы төсе нәрсә аңлата?
Хатын-кызлар тырнак буяганда, төсләрне артык уйлап тормыйча гына сайлый кебек. Ә маникюр осталары исә шушы төскә карап, кызларның характерын билгеләргә өйрәнгән.
Тән төсе - мондый лак сайлаган кызлар үзләре турында бик кайгыртучан. Алар элегант, нәфис, актив. Алар байлыгы белән мактанмый.
Аксыл-алсу төсне үз бәясен белгән хатын-кызлар сайлый. Алар үз-үзенә ышана, манипуляциягә бирелми.
Кислотасыман алсу төс - бер кайгысыз, җиңелчә яши торган хатын-кызларга хас.
Кызыл лакны кырыс характерлы кешеләр сайлый.
Соры (көмешсыман) төсне мода белән бик яхшы таныш, модалы трендларга карап киенә торган кызлар куллана.
Кара буяуларны фаталь хатын-кызлар ярата. Алар куркыныч та, кырыс та, агрессив та булырга мөмкин.
Гадәти булмаган төсләрне - шәмәхә, баклажан, яшел төсне аерылып торырга теләгән кызлар куллана. Неон төсләр дә шушы рәткә керә.
Металл - алтын, көмеш, җиз төсле лакларны үзе өчен үзе җавап бирә торган, кирәк чакта үзен яклый ала торган кызлар сайлый. Алар үзләре дә "корычтай" ихтыярлы була.