Хатын-кызларның йоклаганда гырлавы нәрсәсе белән куркыныч?

30 ноябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Хатын-кызларда йөрәк һәм кан тамырлары системасы авырулары ир-атларга караганда күбрәк очравы ачыкланган. 

Германиянең Мюнхен университеты галимнәре гырлап йоклауның куркыныч якларын ачыклаган. Төнге гырлау һәм йоклаганда сулыш алу өчен һава җитмәү хатын-кызларда йөрәк-кан тамырлары системасы авырулары килеп чыгу ихтималын арттыра икән. Галимнәр уздырган тикшеренү нәтиҗәләре турында Төньяк Американың радиология җәмгыятенең еллык очрашуында сөйләгәннәр. Бу турыда РИА Новости агентлыгы хәбәр итә.

Белгечләр биш мең кешенең яшәү рәвешен өйрәнгән. Тикшеренүдә катнашкан кешеләрнең яртысының йокы белән проблемалары булган. Калганнары исә гырлаудан, гырлау һәм һава җитмәүдән интеккән. 

  • Йоклаганда каты итеп гырлау һәм сулыш алыр өчен һава җитмәүдән уянып китү апноэ дип атала.

Галимнәр йоклаганда гырлау күренешнең кан әйләнеше системасына йогынтысы белән кызыксынган. Хатын-кызларда йөрәк һәм кан тамырлары системасы авырулары ир-атларга караганда күбрәк очравы ачыкланган. Кагыйдә буларак, гырлау һәм апноэ аркасында йөрәкнең сул карынчыгы киңәя. Ә сул карынчык — йөрәк-кан тамырлары системасының төп «моторы». Гырлау нәтиҗәсендә, йөрәк кыскарган вакытта карынчыкта кала торган кан күләме кими. Галимнәр фикеренчә, гырлаучы кешеләрдә йөрәк өянәге һәм йөрәк-кан тамырлары системасының башка авырулары килеп чыгу ихтималы зуррак.

«Гырлаучы кешеләргә ирләренә я хатыннарына мөрәҗәгать итү кирәк. Алар күзәтеп торсын. Йоклаган кешенең сулыш алуы тукталып тормыймы? Сулышы тукталып торганнан соң, кеше йотлыгып һава суламыймы? Шундый хәл күзәтелгән очракта табибка мөрәҗәгать итәргә кирәк. Апноэдан арынып була. Гадәттә симез кешеләр ябыккач, мондый җәфа үзеннән-үзе бетә», — дип сөйләгән галим.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла