Хәтер начар булудан интексәгез, нишләргә?

8 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
"Здоровье" журналы, тәнне ныгыту өчен физик культура белән шөгыльләнгән кебек, хәтерне яхшырту өчен дә күнекмәләр уздырырга кирәк дип яза.

Айвазовский ысулы. 
Бу ысулны рәссам Айвазовский кулланган. Дулкыннарның хәрәкәтен исендә калдырыр өчен ул озаклап диңгезгә карап торган һәм күзен йомып, дулкыннарны күз алдына китереп караган. Шуңа күрә, нәрсәнедер истә калдырыр өчен аңа озак вакыт текәлеп карап торып, детальләрен истә калдырырга һәм күзне йомып, хәтердән кабатлап карарга кирәк. 

Хәтерне яхшырту өчен истә калдыру белән бәйле өстәл уеннары әйбәт. Саннарны, рәсемнәрен истә калдырырга өйрәнеп, хәтерегезне дә яхшыртачаксыз.

Шигырь ятлау. Балачакта хәтер яхшырак була, мәктәпне бетерүгә ул начарая. Нигә? Чөнки мәктәптә шигырь, өзекләр ятлап, хәтернне күнектереп торасыз. Шуңа күрә шигырь ятлауны дәвам итегез. Өстәвенә, мәҗлес вакытында яттан шигырь сөйләп, кунакларны шаккаттыру мөмкинлеге дә бар.

Хәтерне күнектерү өчен смартфоннар да ярдәмгә килә. Кирәк әйберне фотога төшереп алып түгел, ә Elevate, Lumosity, Меморадо, Memory кебек уеннарны телефоныгызга күчереп алып, транспортта барганда вакытыгызны шуңа сарыф итегез. 

Кабатлау. Кешенең исемен хәтерегездә калдыра алмыйсыз икән, шуны гадәткә кертегез - ул исемен әйтүгә, аның исемен кабатларга кирәк. Шулай ук ассоциацияләр яхшы әйбер. Мәсәлән, сез хезмәт күрсәтә торган салонда -чәчтрашта эшлисез, клиентларның исемнәрен истә калдыру мөһим ди. Килгән клиент исемен Айдар Гыйниятович дип әйтте ди. Айдар, Гыйният исемле танышларыгызны күз алдыгызга китерегез һәм бу кеше белән аны "бәйләп" карагыз. Шулай иткәндә, клиентны яңадан күргәч, аның исеме сез бәйләгән ассоциацияләр аша искә төшә. 

Кеше өеннән эшкә бер үк юл белән йөри. Нәтиҗәдә, бераздан хәтер базасы саега, кеше хәтта http://zdr.ru/articles/fitnes_dlya_pamyatiкүрше урамда адашып та калырга мөмкин. Психологлар маршрутны үзгәртеп торырга кушалар - күз яңа объектларны күргәч, хәтер яхшыра.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×