Кешенең ничә артык органы бар?

19 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
"Здоровье" журналы кешенең "артык" органнарын барлаган.
Кешенең артык органнары турында сүз барганда, беренче чиратта аппендикс - сукыр эчәкне искә алалар. Бу орган кешене инфекцияләрдән саклау ролен башкара, әмма антропологлар фикеренчә, хәзерге заманда ул үзенең функцияләрен 10 процент та башкармый. Чөнки хәзер кеше тупас ризык түгел, эшкәртелгән ризык ашый. 

Тагын бер кирәксез орган - уч төбенең озын мускулы. Чәнчә бармак белән баш бармакны тоташтырыгыз һәм беләктә селкенгән мускулга игътибар итегез - анда кабарып чыкса, димәк, сезнең бу органыгыз әле күпмедер үсеш алган. Юк икән, кайгырмагыз - 18 процент кешеләрдә бу мускул инде бөтенләй юк. Аның кешегә кирәге дә юк - бу мускул үрелеп тартылу өчен хезмәт итә. Хәзерге заман кешесе турникка да онытылганда бер генә менә. Шуңа күрә дә бу мускул юкка чыгып бара. 

Бу мускул агачтан агачка сикереп йөргән маймылларда үсеш алган. Әмма җирдә йөри торган маймылларда ул очрамый диярлек.


Колак тишегенең өске ягындагы кабарып торган урын - Дарвин калкулыгы да кайбер кешедә бар, кайбер кешедә юк. Ул колакны селкетү өчен кирәк. Бу калкулыгы булган кешеләр колагын селкетә белүе белән мактана ала. Әмма кеше өчен колакны селкетүнең кирәге юк, шуңа да ул кемдә бар, кемдә юк. 


"Койрык". Умыртка тәмамланган урын койрыкка охшап тора. Сирәк кенә очракларда ул үсеш ала һәм койрыклы кешеләр туа. Кешелек тарихында шундый йөзгә якын очрак булуы билгеле. 


Өченче күз кабагы. Күз читендә аз гына күренеп торган алсу кабак бар. Бу кошларда үсеш алган. Гадәти күз кабаклары күзне вертикаль ябылса, өченче күз кабагы горизонталь ябыла, күзне саклый. Әмма аның кешегә кирәге юк. 


Акыл теше. Каты ризык чәйнәүнең кирәге беткәч, кешенең баш мие зурайган, ә яңагы кечерәйгән һәм акыл тешенә урын җитми башлаган. 


Кешедә кирәксез органнар гына түгел, кирәксез рефлекслар да бар. Мәсәлән, баланың бөтен нәрсәне тотарга тырышуы элекке заманнардан калган күренеш дип санала. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла