Кешенең нәсел калдыру сәләтенә начар тәэсир итә торган куркыныч һөнәрләрне атадылар

27 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Н.Ф. Измеров исемендәге хезмәт медицинасы фәнни-тикшеренү институты хезмәткәрләрнең репродуктив сәламәтлеге өчен куркыныч булган һөнәрләрне атады. Бу хакта РИА Новости яза.

Бала таба алу мөмкинлегенә химик (маляр, ягулык станцияләре операторы, гальваник, металл коючы) һәм вибрация (шофер, гравер, юлчы, клепальщик, шомартучы) факторлар белән бәйле һөнәрләр начар йогынты ясый. 

Хатын-кызларның репродуктив сәламәтлегенә микроорганизмнар белән бәйле эш, медицина оешмаларында, тикшерү лабораторияләрендә, су чистарту корылмаларында, азык-төлек сәнәгатендә һәм терлекчелектә эшләү куркыныч тудырырга мөмкин.

Моннан тыш, хатын-кызларга авыр йөк күтәрү эшендә, экстремаль микроклимат шартларында (салкын яки эссе), шулай ук электр, магнит һәм электромагнит кырлары йогынтысында эшләмәскә киңәш ителә.

Экспертлар әйтүенчә, ир-егетләрнең репродуктив сәламәтлегенә дә алда санап кителгән барлык факторлар тискәре йогынты ясый. Моңа авыр әйберләр күтәрү генә керми.

Белгечләр ачыклаганча, әлеге куркыныч факторлар аркасында балаларның органнары дөрес формалашмаска, генетик тайпылышлар булырга мөмкин. Моннан тыш, бала төшү яки баланың үле туу ихтималы да бар.

Фәнни үзәктә репродуктив сәламәтлек яшәү рәвешенә, бигрәк тә туклануга бәйле дип белдерделәр. Начар гадәтләрдән баш тартырга, актив хәрәкәтләнергә, тиешенчә йокларга һәм психоэмоциональ киеренкелектән котылырга кирәк. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла