Картадан сызып атасы: Македония дигән ил башкача атала башлаячак

13 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Македония үзенең атамасын үзгәтте. Хәзердән башлап ул "Төньяк Македония дәүләте" дип атала башлаячак. Моңа бәйле рәвештә илнең логотиплары да үзгәрәчәк. Илнең рәсми сайты - www.vlada.mk илнең атамасын үзгәртет инде

Төньяк Македония дәүләтенең тышкы эшләр министры Никола Димитров "Бүгенге көн Греция белән Төньяк Македония дәүләте арасындагы озакка сузылган дуслыкның башы була ала", - дип белдерде.


Македония белән Греция арасында илнең атамасына карата бәхәс бик күптәннән - Югославия таралып, 1991 елда бәйсез Македония барлыкка килгәннән бирле бара. Аңа кадәр Македония Югославия составындагы союздаш республика иде. Греция дәүләтендә дә Македония дип аталган провинция бар. Греция Македонияне үзенең тарихи өлеше дип саный. 

Греция таләбе буенча Македония Берләшкән милләтләр оешмасына "Элекке Югославия дәүләте Македония" атамасы белән кабул итте. Әмма Македония дәүләте үз атамасын кыскартып "Македония" дип кенә атауга бәйле рәвештә Греция көрәш башлап җибәрде. Греция сәүдә буенча чикләүләр кертте, Македониянең НАТОга керүенә каршы булды. 

2011 елда БМО суды Грециянең Македониягә каршы чыгуын дөрес түгел дип тапты. 

Әмма Греция икътисадына бәйле Македония көньяк күршесе белән атама өчен талашып яшәүне дөрес түгел дигән карарга килде. Ил парламентының бер өлеш депутатлары каршы булса да (153 - риза, 146 - каршы) Македония атамасын үзгәртте.
Хәзер Македония карталарда "Төньяк Македония дәүләте" дип аталачак.
 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла