Көне буе эшләгән кеше төнлә тәравих намазларын укырга тиешме? Хатын-кызларга тәравихны кайда уку яхшырак?
Рамазан аенда тәравих намазларын мәчетләрдә имам артыннан укыйлар.
Татарстан мөфтиенең шәригать мәсьәләләре буенча киңәшчесе Булат хәзрәт Мөбәрәков тәравих намазлары турында сорауларга җавап бирде.- Ураза тотучы көне буе эшләүче кеше төнге намазларны төне буе укырга тиешме?- Мөмкинлек булган хәтле. Иң беренче чиратта, без нәрсәгә игътибар итәргә тиешбез - фарыз (дип буенча мәҗбүри - ИТ) гамәл утәлүгә. Кайбер вакытта, шундый нәрсә бар, кеше нәфел гыйбадәтенә (ихтыяри, өстәмә) гыйбәдәткә бик игътибар бирә, ләкин фарызга игътибар бирми. Бу дөрес булмый. Уразаны тотып, фарыз намазларын, фарыз гамәлләрне кыла икән, харамнан үзен тыя икән, ул җитеп тора. Ләкин эшли ала икән, ул вакытта нәфел гыйбадәтләрен, төнлә намазын кыла, нәфел гыйбадәтләрен дә кыла. Ләкин иң беренче чиратта, фарыз үтәлүгә без игътибар итәргә тиешбез.- Хатын-кызларга тәравих намазлырын кайда уку яхшырак?- Өйләрендә.