Инстаграм ни өчен лайкларны юкка чыгара?

19 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Instagram лайкларны юкка чыгара башлады. Австралия, Бразилия, Ирландия, Италия, Канада, Яңа Зеландия, Япониядә яшәүчеләр башка кешегә күпме лайк куйганнарын күрә алмый. Лайкларны аккаунтның авторы үзе генә күрә ала. Чиратта - АКШ, Британия һәм Россия. Безнең илдә бу яңалыкы беренче итеп Максим Галкинка килеп иреште. 

Инстаграм җитәкчелеге фикеренчә, лайклар кешеләрдә үзбәяләү хисен киметергә мөмкин. Кеше челтәрдәге популярлык артыннан куып, психологик газаплар кичерергә мөмкин, ди алар. 

Әмма социаль челтәр кулланучылары моның белән риза түгел. 

"Бик начар идея".

"Әгәр сез лайкларны бетерергә уйлагансыз икән, хронологик лента ясагыз".

"Иң яхшы кушымталарның берсе сезнеке иде, ә сез хәзер бөтенесен дә җимерәсез".

Инстаграм йолдызлары яңа кагыйдәләрне кабул итми. Мәскәү блогеры Руслан Захаркин лайкларны бетерүне караклык дип атап, судка бирде һәм сайттан ярты миллион сум компенсация таләп итә. Блогер әйтүенчә, лайклар бетсә, ул бизнесын югалтырга мөмкин. Руслан фикеренчә, Инстаграмның эшчәнлеген Роскомнадзор контрольдә тотарга тиеш. 

Инстаграм кулланучылары әйтүенчә, реклама бирүчеләр беренче чиратта лайкларга игътибар итә. Алар күренмәсә, аккаунтның никадәр дәрәҗәдә популяр икәнен белүе кыен булачак, ди алар. Бу исә рекламаның кимүенә китерергә мөмкин. 

Австралиядә бу кагыйдәләр кертелгәннән соң Инстаграм вәкиле Миа Гарлик комментарий бирде. 

"Без Instagramда кешеләрнең үз фикерләрен белдергәндә уңай хис итүен телибез. Яңа кагыйдәләр нәтиҗәсендә кулланучылар күпме лайк җыярмын икән дип борчылмаячак, башка мәсьәләләргә игътибар итәчәк. Мәсәлән, үзләренең кызыксынулары, хисләре турында фикер алышачак", - дигән ул. 

Миа Гарлик әйтүенчә, яңа кагыйдәләр тест режимында кертелгән. Алар кабул ителмәскә дә мөмкин. Инстаграм лайкларны калдыруы да ихтимал. 

Инстаграмның яңа кагыйдәләрне кабул итүнә сәбәпче - Америкадагы психологлар берлегенең мөрәҗәгате. Берлек социаль челтәрләрнең кешеләрнең психик халәтенә начар тәэсир итүе турында белдерде. Бу оешма белгечләре фикеренчә, челтәрдә башкаларның уңышлы һәм матур тормышын (ә моның күрсәткече - лайклар саны) күзәтү депрессияләргә һәм хәтта суицидка китерә икән.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла