Иң яхшы кара чәй маркалары нинди?

13 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

“Росконтроль” белгечләре Россиядә сатылучы кара чәйләрнең сыйфатын һәм куркынычсызлыгын тикшергән. Бу хакта оешма сайтында урнаштырылган язмага сылтама белән “Известия” хәбәр итә.

Тестта 7 брендның эре яфраклы чәй үрнәкләре катнашкан. Болар: «Крепкие традиции», AKBAR, Tess, Riston, «Альманах», Lipton, Beta tea. Белгечләр сүзләренчә, тикшерелгән чәйләрдә агулы матдәләр һәм күгәрек күләме югары булмаган. Тикшерү вакытында металломагнит һәм башка чит-ят кушылмалар табылмаган. Иң зур минус – составтагы төрле пестицидлар, шул исәптән Россиядә тыелганнары да бар. Ләкин аларны микъдары зур түгел һәм рөхсәт ителгән күрсәткечләрдән шактый түбән.

Иң югары баллны Beta Tea вак бөртекле чәе (байховый) алган. Тикшергән күрсәткечләр буенча ул барлык стандартларга да туры килә. Аның белән бергә беренче урынга Tess цейлон чәйе дә лаек булган. Ул да барлык таләпләргә дә туры килә. Ләкин “Росконтроль” чәй кабындагы “бест” сортына игътибар иткән. Белгечләр сүзләренчә, бу бары тик маркетологлар хәйләсе генә. Чынлыкта исә, мондый маркировка юк. Шулай да бу чәй югары сорт таләпләренә туры килә.

Akbar, «Альманах», Riston чәйләре дә тикшерүне узган. Lipton һәм «Крепкие традиции» чәйләре кисәтүле исемлеккә эләккән. Беренче бренд органолептик күрсәткечләр буенча шелтә алган: чәй җитәрлек дәрәҗәдә тигез түгел, бөтерелгән, сабаклары шактый күп. Икенче чәй тәмсез һәм авызны бөрештерә торган дип табылган. Белгечләр сүзләренчә ул сорт буенча элек гамәлдә булган ГОСТ 1937-90 таләпләренә туры килми. Чәй югары сорт дип бирелгән, ә дегустация вакытындагы бәяләмәләр буенча – икенче сорт булган. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла