Ничек итеп фикус гөленә ябалдаш үстерергә?

12 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйсән ХАФИЗОВА
Фото: Ләйсән Хафизова
Гадәттә фикус гөле озын бер таяк булып өскә таба үсә дә үсә. Ул 1 метрдан да биегрәк булырга мөмкин. Тора-бара аның аскы яфраклары да коелып бетә. Шуннан соң сәер бер ботак тырпаеп кала. Чыгарып ташларга кызганыч, карап тотарга ямьсез. 

Менә шундый фикусны "балалатырга" була! Бу эшне яз көнне эшләү хәерле. Кыш буе акрын гына үсеп утырган гөлләр, яз җиткәч көчле итеп үсеп китәчәк. Ябалдаш ясау өчен нәкъ шушы вакыт хәерле.

Ботакта буынтыкларның өске ягыннан үткен пычак белән 1 мм тирәнлектә кисем ясап җибәрергә кирәк. Бу урыннан ак сөт агып чыгар. Аны су сиптереп, юдырып төшерергә. Чөнки сөт катып калса, бу урыннан яшь үсенте чыкмас. Нәкъ менә сөтен юдырып төшерсәң, бу урында яшь ботак чыгачак. Шулай итеп, төрле яктан кисемнәр кискәләп, фикусны ябалдашлы итәргә була. 


Кисем кисә тотынганчы, агачны нинди формада итәсегезне уйлагыз. Ботаклар төрле яклап чыксынмы, әллә бер яктан гына ботаклар китсенме - башта күз алдына китерегез. Шуннан соң гөлне формалаштыруга керешергә була.

Икенче вариант та бар. Фикус кәүсәсен урта бер җиреннән кисеп алырга кирәк. Гадәттә яфраклар үсми башлаган урыннан кисү хәерле. Өске матур ягын кисеп алабыз. Ул бик күп итеп сөт чыгарачак, кәүсәдән дә, кисеп алынган ботактан да сөтне юдырып төшерегез.  Киселгән кәүсәне карт ботак янындагы туфракка тирән итеп тыгып куегыз. Карт ботак яңа үсентегә терәк тә булып торачак. Карт ботакта алдагы варианттагы кебек буынтыклар янына кисемнәр кисеп чыгыгыз. Атна-ун көн дигәндә, бу урыннарга яңа ботаклар чыга башлар.

Кисем кистем дә ботак чыкмады дип борчылмагыз. Кайчакта бу урын бер елдан соң да ботакка үрләргә мөмкин.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла