"Докторская" колбасасы составында кәгазь бармы?
Роскачество оешмасы "Докторская" колбасасын ясаучы кырык марканы тикшергән.
Колбасалар рейтингы Роскачество сайтында чыкты.
Тикшерү өчен алынган колбасаларның бәясе 90 сумнан 499 сумга кадәр. Белгечләр колбасасын 70 категория буенча тикшергән, сыйфатын өйрәнгән, куркынычсызлыгын билгеләгән.
Тикшерелгән бөтен продукция дә куркынычсыз булуы ачыкланган. Микробиология күрсәткечләре нормада булган. Колбаса составында авыр металлар да, антибиотиклар да табылмаган.
40 марканың 39ында этикеткада күрсәтелгән ит булуы ачыкланган. Бары тик бер маркада гына соя табылган. Бер колбасада да целлюлоза — кәгазь табылмаган.