Дөньяда иң зур мөселман иле кайсысы?

9 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали

Индонезия — дөньяда иң зур мөселман ил. Биредәге халыкның якынча 88 проценты Ислам динен тота. Бу турыда мәгълүмат "Википедия"дә китерелгән.

2010 елда халык санын алу нәтиҗәләре буенча, Индонезиядә 237 556 363 кеше яши. Шулай итеп ул — Көньяк-Көнчыгыш Азиядә халык иң күп яши торган ил. Индонезия халык саны буенча дөньяда дүртенче урында тора. Халыкның 88 проценты ислам динен тоту Индонезиягә дөньяда иң эре мөселман иле статусын бирә.

  • Ислам — халык саны буенча дөньяда икенче дин. Планетада 1,8 млрд мөселман кешесе яши. Бу Җирдәге халыкның 24,1 проценты дигән сүз

Мөселманнар күпчелеге Индонезиянең көнбатыш өлешендә, Ява һәм Суматра утрауларында яши. Көнчыгыш өлкәләрдә мөселманнар саны кимрәк. Илдәге мөселманнарның күпчелеге сөнниләр. Шулай ук миллион чамасы шигыйлар да бар. Алар илнең башкаласы Джакарта шәһәре тирәсендә төпләнгән. Исламың ике тармагы — сөнниләр белән шигыйләр үзара килешеп яшәсен өчен Сөнни-шигый дини советы оештырылган.

Көнбатыш Һиндстанның мөселман сәүдәгәрләре Индонезиянең көнбатыш утрауларына уникенче гасырда ук килеп йри башлый. Сигезенче гасырда ук гарәп сәүдәгәрләре дә килгән дигән мәгълүмат бар. Шул вакытларда Индонезия халкы мөселман диненә күпләп күчкән.

Европа илләре колонизациясе дә, никадәр генә парадокс булмасын, ислам таралуга китерә. Мөселман сәүдәгәрләр эре портларны ташлап китәргә мәҗбүр була. Алар ерактарак төбәкләргә тарала. Шулай итеп ислам дине дә илнең читтәге почмакларына кадәр барып җитә.

Индонезия ирекле ил булып формалашкач, ислам тагын да ныгый. Соңгы дистә елларда эчке миграция нәтиҗәсендә ислам тагын да киңрәк тарала. Көнчыгыш төбәкләрдә дә мөселманнар саны арта.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла