Чәй пакетында ничек итеп рассада үстерергә?

Кулланылган заваркалы чәй пакеты торф табелкаларына менә дигән алмаш. Анда утыртылган үсемлек ашлау таләп итми һәм аның тамыр системасы яхшы үсә. Мондый пакетлар бигрәк тә вак орлыкларны чәчү өчен уңайлы. 

Рассада өчен чәйнең теләсә нинди сорты ярый. Шулай да хуш исле кушыламалары булмаган кара чәй сайлау яхшырак. Кулланылган пакетны киптерергә, ә соңыннан яхшылап кына беркетелгән линияләрен кисеп алырга кирәк. Пакетка туфрак салабыз һәм берничә орлыкны төртеп куябыз (алга таба зәгыйфь үсентеләрне йолкып алу өчен). Булачак рассадалы пакетларны бер-берсенә тыгызлап контейнерга урнаштырабыз һәм бераз җылымса су сибәбез. Контейнерны җылы һәм якты урында сакларга кирәк.