Балага узу турындагы тест хаталы була аламы?

22 Февраля 2018

Укылган: 1729 тапкыр

Фото: Султан Исхаков
Балага узуны билгели торган тестлар даруханәдә сатыла. Тестның принцибы балага узган хатынның сидеге составында билгеле бер гормонны сизеп алу. Ул хорионический гонадотропин человека (ХГЧ) дип атала.

Тест шул гормонны сизеп ала һәм тиешле сандагы полоскалар йә кызара, йә бернинди дә үзгәреш булмый. Тест полоскасына карап, кемдер сөенә, кемдер көенә. Шуңа күрә, һәркемгә үз хыялына ирешүне телик.

Гадәттә, тестны иртәнге якта ясыйлар. Тик хәзерге вакытта тәүлекнең теләсә кайсы вакытында йөклелекне билгели ала торган сизгер тестлар да сатуга чыкты. Сатып аланда, тартмада сизгерлек дәрәҗәсенә игътибар итегез.

Даруханәдә сатыла торган йөклелеккә тест полоскаларының күрсәтмәләрендә төгәллек 95-99 процент дип язылган. Димәк, шулай да, хата булу мөмкин. Тест уңай нәтиҗә күрсәтеп тә, балага узмаган очракта, тестны гаепләргә ашыкмагыз.

Хата түбәндәге очракларда булырга мөмкин:

Сез тестны иртән-иртүк ясагансыз. Бу вакытта йөклелекне күрсәтә торган гормоннар күләме бик түбән була.

Тестның куллану вакыты узган. Һәрвакыт тартмасындагы даталарны карарга онытмагыз!

Тестны дөрес ясамагансыз. Күрсәтмәләрне җентекләп укыгыз, анда барысы да язылган.

Кичтән бик күп сыеклык эчеп яткан булгансыз. Сыеклык сидекне сыекландыра, нәтиҗәдә гормоннар күләме кими.

Әгәр баласызлыктан кулланыла торган гормоннар эчсәгез дә, тест хаталы булырга мөмкин.

Яман шеш белән авырган кешеләрдә тест хата күрсәтү ихтималы бар.

Бала төшкән, яисә вакытыннан алда бала тапкан очракта да, аналыкта аталанган күкәй күзәнәк калдыклары сакланып калырга һәм тест уңай нәтиҗә бирергә мөмкин.

 

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла