Бәя арта, дисәтинә кими: Казанда сатуга алты данәле йомыркалар чыгарганнар

3 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Лилия ЛОКМАНОВА
Фото: Автор фотосы
Әле гыйнвар башында гына кибет киштләрендә тугыз дисәтинәле йомырка сата башлаулары хакында язган идек. Татарстанның “Ак барс” кошчылык фабрикасы филиалы “Яратель” аларны да уздырган. Күптән түгел фабрика тармасына алты данә кергән йомырканы сатуга чыгарган.

Хәтерләсәгез, йомырка бәясе ноябрь аенда күтәрелә башлаган иде. Хәзер Казан кибетләрендә бер дистә йомырка өчен 64 сумнан алып, 89 сумга кадәр акча түләргә туры килә. Ташламалар вакытында 59,9 сумга да алырга мөмкин. Әлбәттә сүз беренче сортлы йомырка хакында бара.

Инглиз хәрефләре белән “Зур ферма” бренды асытнда чыгарылган алты данәле йомыркаларның бәясе исә 61,9 сум. 

Бу брендның логотибын эшләгән фирманың сайтында “Grande ferme” премиум класслы йомырка дип күрсәтелгән. Кызык, йомырка “премиум” булсын өчен нинди сыйфатларга ия булырга тиеш икән? 

“Хәләл” йомыркаларга күнегеп беткән идек инде. Ә менә байлар өчен генә тавык  йомыркалары моңа кадәр сатуда юк иде әле. Аларның сарысы алтын кисәкләре беләнме, әллә башка породалы тавыклар саламы икән? Данәсе 10 сумнан да арткан бу “лакшери” йомырканы алып ашап карыйсы булыр әле.

Сүз уңаеннан, авыл йомыркасының бәясе һаман да шул ук. Безнең авылда җәен дистәсен 50-60 сумнан, кышын 70 сумнан саталар. Шәһәр тавыгы салган йомырка белән авылныкы аермасын язып торасы юк.

P.S. Почтада посылка алырга чират торганда бер әби: “Йомырка хәзер алтын бәясе йөри. Туксан сумга мин күкәй сатып аламмы инде шул пенсиям белән”, - дип сөйләп торганы искә төште. Күрәсең, йомырка җитештерүчеләр “йоклап” ятмый. Барыбер сату юлларын таба. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла