Аллергияне салкын тиюдән ничек аерырга?

23 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Үсемлек серкәләренә булган аллергия - поллинозны салкын тиюдән ничек аерырга? Сезонлы аллергияне ничек дәваларга? Бу хакта медицина-профилактика технологияләре федераль үзәгенең балалар һәм яшүсмерләр гигиенасы бүлеге мөдире, медицина фәннәре кандидаты Светлана Валина сөйләде дип хәбәр итә “aif.ru” сайты.

Поллиноз яз, җәй һәм көз көне барлыкка килергә мөмкин. Апрель-май айларында аллергиклар каен, зирек, клен, чикләвек агачы чәчәк атуга, июнь-июль - кыяклы үләннәргә, август-сентябрь - чүп үләннәренә сизгер була. 

“Поллиноз авыруының пигы шактый киң яшь төркеменә туры килә - 10 яшьтән 40 яшькә кадәр, - диде Валина. - Әлеге категорядән яшьрәк яки олырак кешеләрдә сезонлы аллергия сирәгрәк очрый. Шулай да без дүрт яшьлек балаларда поллинозның аерым очракларын теркибез. Бу экологик хәл начараюга, һаваның химик матдәләр белән пычрануына бәйле. Алар серкәләрнең аллергия тарату сәләтен, аның тормыш циклын арттыра, сулыш юлларының аллергеннарга сизгерлеген үстерә".

Валина әйтеп үтүенчә, полинозны салкын тию белән бутыйсы җиңел, әмма аларны бер берсеннән аерырга ярдәм итә торган билгеләр дә бар. Сезонлы аллергия очракларының 95% ы бертөрле күренә: аның өчен күзләр кызару һәм кисү, күз кабаклары шешү, күз яше агу, авыз эче һәм колаклар кызышу, тамак төбе кытыклану, ютәл, рәттән берничә тапкыр төчкерү, борын тыгылу, борыннан төссез су агу күзәтелә. Һәм бу вакытта тән температурасы күтәрелергә тиеш түгел. Поллиноз вакытында атопик дерматит, бронхиаль астма кискенләшергә мөмкин.

Әлеге симптомнар барлыкка килгән очракта кичекмәстән аллергологка мөрәҗәгать итергә кирәк. Табиб махсус анализлар ярдәмендә авыруның килеп чыгышын ачыклаячак, организмга тәэсир итә торган аллергенны билгеләячәк.

“Яз һәм җәй көне, бәтен үсемлекләр чәчәк атканда, аллергенспецифик иммуноглобулиннар билгеләү өчен анализ үткәрәләр. Бу актив аллергенны ачыкларга ярдәм итә. Башка алым да бар - тире пробалары, әмма аны чәчәк ату сезоны булмаган вакытты - көз һәм кыш көне эшлиләр. Аллергенны ачыклагач, дәвалау билгеләнә. Ул һәрвакыт үз эченә антигистаминлы, йогышлы авыруларга каршы, кан тамырларын тарайтучы даруларны, сорбентларны ала. Үзенең диагнозын белүчеләр, гадәттә, дәвалануны иртәрәк, кыш көне үк башлыйлар”, - дип сөйләде Валина.

Поллиноз булганда кайбер профилактика чаралары да хәлне җиңеләйтергә мөмкин. Серкәләрнең концентрациясе иртән һәм коры, җилле вакытларда аеруча югары. Шуңа күрә, бу чорда иртә таңнан өйдән чыкмаска тырышырга кирәк. Урамда кояштан саклаучы күзлек һәм баш киеме кияргә, ә өйгә кайтканнансоң душ кабул итәргә һәм кием-салымны алыштырырга кирәк; шулай ук даими рәвештә өйне юеш чүпрәк белән җыештырырга кирәк.

Табиб дөрес туклану турында да кайгыртырга киңәш итте, чөнки “перекрестная аллергия” дигән күренеш бар, ә кайбер яшелчә, җиләк-җимеш, ярмалар куллану аны көчәйтергә мөмкин.

“Аллергия кайчан баш калкытуга карап, кайбер продуктлардан баш тартырга туры киләчәк. Әгәр апрель-майда икән, алма, кишер, төшле җимешләр (чия, персик, абрикос һ.б.), помидор, бәрәңгедән тыелып торырга, июнь-июль - икмәк эшләнмәләре, ярмалар, сыра, квас, кофе, казылык куллануны туктатып торырга, август-сентябрь - карбыз, кавын, кабачки, баклажан, көнбагыш, хәлвә, цитруслылыр, бал ашамаска кирәк булачак”,- дип ассызыклап үтте Валина.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла