Кибеттә сыйфатлы йомырканы ничек сайларга?

21 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Роскачество сыйфатлы кибет йомыркасын сайлау буенча киңәшләр бирә, дип яза "Российская газета".

Беренче булып маркировкага карыйлар. Күп кенә йомыркаларның кабында "А витамины яки каротиноидлар белән", "авылныкы", "йод белән", "фитнес" (селен белән), "витаминлы" дип язылган була.

Әлеге йомыркаларны салган тавыкларның азыгына шушы витаминнарны һәм микроэлементларны кушалар. Әлеге йомыркалар турында белгечләрнең фикерләре төрлечә. Кайберләре моны файдалы ди, чөнки йомыркадагы витаминнар тулысынча диярлек үзләштерелеп бетә. Икенчеләре моны кирәгеннән артык дип саный. Чөнки кешегә кирәкле матдәләр йомыркага табигать тарафыннан болай да салынган.

"Җете сары" төс маркировкасы берни турында да сөйләми. Йомырка сарысының төсе тавыкның нинди азык ашавына бәйле. Авыл тавыкларыныкы ул җете сары төстә, ә фабрика тавыкларыныкы ачык сары була. Ләкин фабрика продукциясен авылныкы итеп сату өчен кайбер җитештерүчеләр тавык азыгына махсус буягычлар куша. Алар йомырканың сарысына төс кертә.

Ә йомыркаларның үз төсе тавык төсенә бәйле: "блондинкалар" - ак, ә "брюнеткалар" көрән йомырка сала. Әмма йомыркаларның составы һәм азык үзлекләре бер төрле.

Роскачество "эко, "био" маркировкаларына алданмаска киңәш итә. Чөнки Россиядә мондый маркировкалы товарлар өчен сертификация юк. Димәк язылган белән туры килә торган товар булуына бернинди дә гарантия юк.

Шулай ук саклану вакытына һәм җитештерүчегә игътибар итәргә кирәк. Йомырка никадәр иртәрәк чыккан булса һәм җитештерүче сатып алган урынга якын булса, шулкадәр яхшырак.  

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла