Мөселман яучысы Гөлназ Мөхәммәд: "Ифтарда мода күрсәтү - хата!"

22 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Солтан Исхаков
Узган атнада Казан рестораннарының берсендә Fashion Iftar 2019, ягъни модалы ифтар мәҗлесе үтте. Анда мөселман модасы күрсәтелде, дизайнерлар эшләнмәләре ярминкәсе оештырылды. Быел чара бик колачлы булып – 500 хатын-кызны сыйдырышлы итеп үткәрелде һәм шуның белән мөселман җәмәгатьчелегенә танылды. Әмма мөселман яучысы, Татарстан мөслимәләре берлеге әгъзасы Гөлназ Мөхәммәд ифтар мәҗлесен мондый форматта үткәрүне дөрес түгел дип саный. Бу фикерен ул “Интертат” аша җиткерә.

Ифтар ул татарча “авыз ачу” дигән сүз бит, ул Ураза тотканнан соң кылына торган гамәл. Аны мода күрсәтеп уздыруны мин хата дип саныйм.

Ифтар мәҗлесе дога белән, Аллаһы Тәгаләне зурлап узарга тиеш. Аның Казанда уздырылуын да исәпкә алганда, ул татар телендә узарга тиеш дип тә саныйм. Модалы ифтар мәҗлесе исә рус телендә үтте.

Инде ифтар мәҗлесен кызыклырак итәбәз дисәләр, программага мөнәҗәтләр, бәетләр ярышлары кертеп булыр иде, шул рәвешле ул мәҗлеснең асылына һәм темасына туры килер иде. Ә кием күрсәтү ифтарның мәгънәсеннән тайпылдыра.

Безнең халык болай да дингә кереп кенә бара әле. Керде дип һич кенә дә әйтеп булмый. Әле ул кечкенә бала сыман. Диннең дөрес юлын күрсәтү өчен бик күп вакыт кирәк. Ә мондый чаралар кешеләрнең, бигрәк тә яшьләрнең, башын бутыйлар.

Оештыручылар ифтарны шушы рәвешле уздыруны исламга кызыксыну уяту белән аңлатырлар. Әмма ислам ул ислам бит инде, аны төрләндереп булмый. Ул һаман бер төрле ислам.

Мөселман киемен күрсәтү өчен башка вакыт та бар бит. Моданы Рамазаннан соң да, Рамазанга кадәр дә күрсәтергә була иде. Ифтар вакытында кием күрсәтү дөрес нәрсә түгелдер.

Мөслимәләр берлегендәге эшчәнлегем дәверендә дә, иҗтимагый эшчәнлегем дәверендә дә миңа ифтарлар оештыруда күп катнашырга туры килде. Мөслимәләр берлеге мөселман модасы фестивале дә уздырып килде. Ләкин бу чараларны ифтар белән кушып үткәрү - модалап авыз ачу мәҗлесе кебек килеп чыга түгелме соң? Һәр нәрсәнең мәгънәсе бар, аларны аера белү кирәк.  


  Без Инстаграмда

Фикерләр








Татар блогерлары

Журналист Вәсилә Рәхимова: "Татар булган җирдә мәчет бар"

Җәйнең уртасы, ялларның кызган чоры дисәм, әллә ни яңалык ачмам. Ел буе хыялланып, үзеңчә җыенып, өеңнән зур чемоданыңны тәгәрәтеп чыгып китүгә, син сәфәрчегә, заманча әйтсәк, туристка әйләнәсең дә куясың. Әмма ял дип кенә карыйсы түгел, алар да берничә төргә бүленә икән хәзер: актив ял итүчеләр, сәяхәт яратучылар, турист маршрутларына өстенлек бирүчеләр яки чираттагы ялын диңгез, елга комлыгында тыныч кына үткәрүне сайлап, су кереп, туйганчы кызынучылар...

Татар блогерлары

Журналист Айсылу Хафизова: Мөслимә мәчеттә үз җенесеннән оялырга тиешме?

Журналист, "Идель" журналы баш мөхәррире Айсылу Хафизова Рамазан аенда Казан мәчетләре һәм хәләл кафе-рестораннарга күзәтү әзерләгән. Айсылуның бу язмасы Facebook социаль челтәрендә зур кызыксыну уятты. Автор рөхсәте белән, күзәтүне "Интертат" укучыларына да тәкъдим итәбез.

Татар блогерлары

Журналист Вәсилә Рәхимова: 25 ел элек мәчетләрдә кайнар ризыклы ифтарлар булыр дисәләр, ышанмас та идек... тик бер нәрсә күңелне тырный...

Әссәләмәгаләйкүм, кадерле дин кардәшләрем! Татар дөньясы айлар солтаны дип аталган Рамазан аеның бәрәкәтендә, шатлыгында коена. Бу бик тә көтеп алган 12 айның иң кадерлесе, безгә тәүбәләребезне кабул итеп, әҗер-саваплар туплап, ахирәткә әзерләнүебезнең матур бер дәлиле. Без аны көтеп алабыз, мөселман дөньясы бу көннәрдә ай буенча ураза халәтендә яши, шушы гыйбадәттән үзенә матур бер яшәү чыганагы ала. “Татар-информ”да шушы ай белән мөнәсәбәтле фикерләремне уртаклашырга булдым.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла