Гаражларга юл ачык: Мөслим җитәкчелеге “ике атна вулкан өстендә утырган" халкының хәлен аңлады

13 июль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлнар ГАРИФУЛЛИНА
Фото: Рамилә Галимова
Бу атнада республика массакүләм мәгълүмат чараларында Мөслим районы хакимиятенең, район үзәгендәге Кооператив урамын ямьләндерергә уйлап, халыкта ризасызлык уятуы турында материаллар дөнья күрде. "Татар-информ"га бүген билгеле булганча, мәсьәлә халык теләгәнчә хәл ителгән.

Хәл болай була: район җитәкчелеге, бу урамда ике яклатып тротуар ясап, брусчатка түшәп, яшел зоналарын булдырып, аны матурайтырга җыена. Шуңа күрә бу урамда яшәүче һәр йортка ишегалдыннан чыгу юлын 4 метр 10 см күләмендә чикләргә дигән карар кыла. Әмма бу ара бары тик ишегалды капкасына гына җитә, ихаталарында гаражлары да булганнар гараждан чыгу юлыннан мәхрүм кала булып чыга. 

Гаражлары булганнар, моның белән килешә алмыйча, ризасызлык белдерә башлый. Алар җирле үзидарә советына, прокуратурага массакүләм мәгълүмат чараларына, шул исәптән "Татар-информ"га мөрәҗәгать итә. "10 ел торабыз, шулкадәр рәхәт итеп сөенә-сөенә яши идек, менә ике атна инде без вулкан өстендә утырган кебек", - дип тасвирлаган иде үзенең кичерешләрен шушы урамда яшәүче Рамилә Галимова.

"Татар-информ" хәбәрчеләре әлеге низаг турында материалны әзәрләп бетереп килгәндә, ягъни бүген, мәсьәләнең халык файдасына хәл ителгәне ачыкланды. Шушы урамда яшәгән һәм, гараждан чыгу юлын капламауларын сорап, төрле инстанцияләргә мөрәҗәгать иткән Рамилә һәм Фәнис Галимовларга бүген Мөслим авыл җирлеге Башкарма комитеты җитәкчесе Марат Шаймөхәммәтовтан җавап хаты килгән. 

Хатта болай диелә: "Кооператив урамы буенча, юл хәрәкәте иминлеге өчен кирәкле тротуарларны, гаражларга юлларны каплап ясау һәм ямьләндерү буенча эшләр - әлеге территорияләрне ямьләндерү вариантларының берсе итеп кенә каралган иде. Шуны билгеләп узу кирәк: бу эшләр гараж хуҗаларының ризалыгы буенча гына башкарыла ала. Халык фикерен өйрәнеп, йорт капкаларына гына түгел, гаражларга да керү юлын ясау турында карар кабул ителде. Кооператив урамында төзекләндерү эшләрен 2018 елның сентябренә кадәр тәмамлау ниятләнә. Төзелеш эшләре барышында тудырылган уңайсызлыклар өчен гафу үтенәбез".    


Мөслим районы башлыгы киңәшчесе Рафаэль Шәрифуллин “Татар-информ” хәбәрчесенә бу карарны аңлатты: “Өстәмә чыгымнар китерсә дә, без моны куертмас өчен, халык файдасына хәл итәргә уйладык, аларның теләгенә каршы бармадык. Без шулай хәл иттек”, - диде. Рафаэль Шәрифуллин урамда асфальт юлны яңарту Татарстан бюджеты акчасына, ә урамны яктырту үзара салым акчасына башкарылачагын әйтте. Урамны үзгәртеп кору эшләренә Казан дәүләт төзелеш университеты белгечләре җәлеп ителгәнен билгеләп узды. 


  Без Инстаграмда

Фикерләр








Авыл

Роботлаштырылган ферма җитәкчесе Зөфәр Мөхәммәтшин: “Эшче кулларга кытлык, сыер савучыларны көндез чыра яндырып эзләсәң дә табып булмый”

Без фермада кул хезмәтеннән башка эш бармый дип уйларга күнеккән. Алай түгел икән. Мисал өчен, Саба районы татар Икшермәсе авылында урнашкан "Мөхәммәтшин" крестьян-фермер хуҗалыгын әйтергә мөмкин. Аларда сыерларны роботлар сава.

Авыл

“Пай җирләре өчен түләү артты”

Авыл халкы өчен көз – елга йомгак ясау чоры. Эш белән тагын да эсселәнгән җәй инде артта калды, алда чагыштырмача тыныч кыш көтә. Әмма аңа кадәр әле салымнар түлисе, җир пайлары өчен түләүләрне алып бетерәсе бар. Сер түгел, кайбер хуҗалыклар пай җире өчен үз вакытында түләсә, кайберләре ахырга кадәр суза. ТР Авыл хуҗалыгы һәм азык-төлек министрлыгының җир һәм милек мөнәсәбәтләре бүлеге башлыгы Александр Дружин белән быелгы пай җире түләүләре, пайчыларның һәм үз җирен аерып эшкәртергә теләгән милекчеләрнең хокуклары турында сөйләштек.

Авыл

Күпләп каз үстерүче Эльвир Габдрахманов: “Бу кадәр итне кая куеп бетермәк кирәк, кем шул хәтле каз сатып алыр?” дип борчылдык"

Озакламый каз өмәләре башланачак. Ите тәмле булсын өчен, казларга нәрсә ашатырга? Каз түшкәсен тиресе ертылмаслык итеп эшкәртү тәртибе нинди? Каклаган каз күпме вакыттан соң әзер була һәм ничек саклана? Күпләп каз асрау өчен нинди шартлар тудырырга кирәк? Нинди токым яхшырак һәм бәбкә үлемен ничек булдырмаска? Каз асраганда нинди авырлыкларга юлыгырга һәм аларны ничек хәл итәргә мөмкин? “Интертат” редакциясе бу һәм башка сорауларга җавапларны шәхси хуҗалыгында 400дән артык каз үстерүче, Азнакай районы Мәсгут авыл җирлеге башлыгы Эльвир Габдрахмановтан алды.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла