"Ялкаубикә кәрзиннәре" рецепты
Бер көнне ләвәштән "Ялкаубикә" кәрзиннәре пешердем. Эшләргә 2-3 минут вакыт җитте. Шундый тәмле булды. "Һә" дигәнче ашалып бетте. Бу ризыкны эшкә алып барырга да уңайлы. Эссе килеш тә, салкын килеш тә бик тәмле.
Ингредиентлар: ләвәш, колбаса (мин хәләлне кулланам) , йомырка, сыр.
1.Ләвәшләрдән шакмаклар кисәбез һәм кекс пешерә торган савытларга кәрзин сыман итеп урнаштырабыз.
2. Аерым савытта 4 йомырка туглыйбыз, шуңа шакмаклап колбаса турап салабыз, тоз, тәмләткечләр кушабыз һәм шул катнашманы кәрзиннәрнең эченә салабыз һәм духовкага озатабыз.
15 минуттан соң "кәрзин"нәрне алып, өстенә угычтан уылган сыр сибәбез һәм шул сыр эреп беткәнчегә кадәр янә духовкада тотабыз.
20 минут дигәндә "кәрзин"нәр әзер дә була.
Эш барышы:
1.Ләвәшләрдән шакмаклар кисәбез һәм кекс пешерә торган савытларга кәрзин сыман итеп урнаштырабыз.
2. Аерым савытта 4 йомырка туглыйбыз, шуңа шакмаклап колбаса турап салабыз, тоз, тәмләткечләр кушабыз һәм шул катнашманы кәрзиннәрнең эченә салабыз һәм духовкага озатабыз.
15 минуттан соң "кәрзин"нәрне алып, өстенә угычтан уылган сыр сибәбез һәм шул сыр эреп беткәнчегә кадәр янә духовкада тотабыз.
20 минут дигәндә "кәрзин"нәр әзер дә була.
"Кәрзин"нең кырыйлары - ләвәш кисәкләре кетер-кетер килеп тора. Бик тә туклыклы ризык килеп чыга.