Виноград яфрагыннан тулма рецепты
Виноградның матур, җәенке яфраклары тулма ясау өчен бер дигән.
Ит фаршына суган, яшел тәмләткечләр, бүрттерелгән дөге, тоз, борыч салып, эчлек ясарга.
Виноград яфракларын (кызыл чөгендер яфрагы белән дә ясарга мөмкин) кайнар суда пешекләп, шул яфракка фаршны салып, өстенә атланмай да кушып, яфракларны конвертлап төрергә. Майлы табага тезеп духовкада пешереп алырга кирәк.
Пешкәч тулма өстенә үзең теләгән соусны ясап сибәргә була.
Телеңне йотарлык!