Токмач, пилмән

9 Марта 2018

Укылган: 2901 тапкыр

Автор: Гөлүзә ВАСИЛОВА
Яллар дәвам итә, алардан файдаланып, запаска пилмән туңдырып, токмач кисеп куйыйк. Мин барысына да бертөрле камыр ясыйм. Ошатам шушы рецептны, бик җиңел җәелә дә, тәмле дә, изелми дә.
Камыр өчен: 1 йомырка, 2 аш кашыгы кайнаган су, 2 аш кашыгы үсемлек мае, чама белән он. 

Камырны баскач, 10-15 минут тастымал белән каплап торырга, аннары җәяргә. Онны күбрәк салып, камыр каты булып китсә дә, борчылмагыз, тастымал каплап куйгач йомшарачак.


Өч җәем токмач өчен өч порция камыр басарга кирәк. Токмачларны аш өчен, гадәттәгечә, озынча итеп, яки ромбиклап кисәргә мөмкин. Питрәч районында озынча токмачка ияләшсәләр, Арчада ромбиклап киселгән токмачка өстенлек бирәләр. Балалар да ромбиклап кискәнне яраталар. Ә зур ромбиклап киселгән токмачны "Бишбармак" пешерү өчен әзерләп  куя алабыз.

Пилмәннәрнең бер өлешен, гадәттәгечә, ак төстә итсәк, балалар өчен төсле пилмәннәр ясарга мөмкин. Моның өчен, он салганчы, пешкән кызыл чөгендерне угычтан уарга һәм суын (кызыл төс), кибеттә сатыла торган кишер согы (әфлисун төсе), блендер белән вакланган шпинат яфрагы (яшел төс), куркума (сары төс) салырга мөмкин. Болай мәшәкатьләнәсе килмәгәннәр өчен кибеттә нәкъ шушы продуктлардан ясалган табигый буяулар сатыла. Аннары он салып, камырны шулай ук басарга, 15 минут ял иттерергә.


Эчлек өчен: фарш, суган, тоз, борыч, эре угычтан уылган кәбестә. Ингредиентларның күләмен чама  белән алырга. Кәбестә салгач, пилмән "авыр" булмый. Пешкән кәбестә яратмаучылар да аны сизмәячәк.

Эремчекле пилмән (вареники) да ясап куйсак була. Эчлек өчен: эремчек, тоз, йомырка.


Пилмәннәрне традицион ысул белән ясап, туңдыргычка катырырга куярга.

Фикерләр








Аш-су

Ташкентча пылау

Җырчы Салават Миңнеханов Инстаграмда Ташкент пылавы рецептын тәкъдим итә. Ул аны Сабантуйда төшереп алган. "Пешерә алсагыз мине кунакка чакырырга онытмагыз",- дип тә өстәгән җырчы.

Аш-су

Брынзалы бәрәңге пәрәмәче

Осетин милли пирогына охшатып, тозлы сыр белән пәрәмәч пешереп карагыз әле. Тиз һәм җиңел генә ясала. Кайнар килеш тә, салкын килеш тә тәмле.

Аш-су

Вафлидан торт

Вакыт кысан вакытта балалар торт сорап аптырата икән, әзер вафли коржларыннан һәм бисквиттан чәй янына татлы торт әзерләргә мөмкин. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла