Сыер эчәгесеннән карабодайлы тутырма
Саба районы Иләбәр авылында яшәүче Исмегөл Зәйнуллинадан тутырма рецептын тәкъдим итәбез.
Эчлек өчен: фарш, карабодай (тары ярмасы, дөге), тоз, төелгән кара борыч, су яки шулпа.
Фаршка карабодай, тоз, борыч салып болгатырга, бераз су яки шулпа өстәп сыеклатып җибәрергә.
Фаршка карабодай, тоз, борыч салып болгатырга, бераз су яки шулпа өстәп сыеклатып җибәрергә.
Эчәгенең бер башын бәйләргә һәм шушы массаны бик каты тыгызламыйча тутырырга. Икенче башын да бәйләп, суга әз генэ тоз салып кайнатырга куярга. Кайнап чыкач, 1 сәгать 10 минут пешерергә.
"Бу юлы тутырманын өч төрлесен дә ясап куйдым, карабодайдан да, дөге һәм тары ярмасыннан да. Өчесе дә тәмле. Алдан ясап, суыткычка да катырырга куям, кирәк вакытта алып пешерергә бик унайлы була", - дип язган хуҗабикә.
Эчәгене хәзер дә эшкәртүчеләр бармы икән ул? Эчәгене эшкәртәсезме, ничегрәк кулланасыз? Исмегөл апа шундый сораулар да биргән.
Бактың исә, эчәге эшкәртүчеләр күп икән, бары берничә кеше генә үзләрен ялкау, эчәк эшкәртмибез, дип белдергән.