Мультиваркада борчак боткасы һәм фольгада горбуша

4 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлүзә ВАСИЛОВА
Фото: Гөлүзә Василова
Борчак боткасын мультиваркада пешерергә бик җайлы - көйми дә, ташымый да.
Ботка өчен: 2 стакан борчак, 5 стакан су, тоз, борыч, 150 г атланмай. 

Барлык ингредиентларны бергә салып болгатырга һәм мультиварканың “каша на воде” яки “тушение” режимына ике тапкыр басарга. Ботканы 3-4 тапкыр болгатып алырга. 

Горбуша балыгы бик җебеп бетмәсә кисәргә дә яхшырак һәм пешкәч тә коры булмый. Балыкны кисәкләргә бүләргә, тоз һәм борыч сибәргә, фольгага тезәргә һәм өстенә лимон согы сыгарга.

Фольганы төрергә дә, 180 градуска кадәр кызган мичтә 30-40 минут пешерергә, аннары фольганы ачып духовкада 5 минут тотарга. Теләгән кеше балык өстенә майонез, каймак, суган да сала ала.
 
Бу ризыклар янына маринадланган суган урынлы булачак. Уртача яки вак суганнарны боҗралап кисәргә, тоз, шикәр комы, бераз аш серкәсе салып болгатырга, әмма саграк булырга кирәк бизәү өчен боҗраларның формасын саклавы кирәк. Суганның өстен каплап 40-60 минутка калдырырга, озаграк торса тагын да тәмлерәк кенә булачак. 

Табынга биргәндә тәлинкәгә борчак боткасы һәм горбуша салырга, суган боҗраларыннан чылбыр “үрергә”. Балык өстенә петрушка, ә борчак боткасы өстенә яңа өзелгән укроп сибәргә. 

Ашларыгыз тәмле булсын!

Фикерләр








Аш-су

Күптермә рецепты

Түбән Новгород өлкәсендә 44 меңнән артык татар яши. Аларның иң яраткан камыр ризыкларының берсе – күптермә. 

Аш-су

Кара җимешле-чикләвекле десерт

Бу десертны гадәттә кара җимеш эченә әстерхан чикләвеге тыгып ясыйлар. Ә менә төше алынган кара җимешкә чикләвекне батырып кына куйган очракта, бу десерт матуррак, шуңа табынны да бизиячәк һәм  чикләвеге "мине ал" дип кызыктырып торачак.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла