“Мандарин” салаты

29 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлүзә ВАСИЛОВА
Фото: Гөлүзә Василова
Яңа ел бәйрәмнәрендә актуаль мандарин җиләк-җимеше янына "Мандарин" салаты да ясарга тәкъдим итәм. Салатта мандарин булмаса да, ул формасы белән нәкъ шул җиләк-җимешкә охшаган.
Салат өчен: 4 йомырка, 100 грамм каты сыр, 2 уртача бәрәңге, бер тавык түше, 1-2 тырнак сарымсак, ике уртача кишер, майонез яки каймак, үсемлек мае, тоз.


Йомыркага, бәрәңгегә һәм тавык итенә тоз салып пешерергә. Сыр, бәрәңге, йомырканы вак угычтан уарга, тавык итен ваклап турарга, сарымсакны вак угычтан уарга яки сыткыч белән сытарга. 
Майонез яки каймак салып болгатырга һәм шарлар ясарга. Аларны 30 минутка суыткычка куярга.

Аннары чи кишерне вак угычтан уарга, аз гына үсемлек мае салып болгатырга. Азык пленкасына кишерне бер аш кашыгы җәеп салырга, өстенә шарчыкны куярга һәм пленканы җыярга, шулай итеп кишер шарга үзе ябышачак. Шулай ук кул белән дә кишерне шар тирәли ябыштырып чыгарга мөмкин.



Мандаринга охшаш шарлар әзер булгач, өске өлешенә бармак белән басып алырга. 

Бизәү өчен мандарин яфраклары кирәк булачак, аларны юарга һәм кипшетергә. Ваграк яфраклар булса җайлы булачак, ә эре яфрак булган очракта аны икегә буләргә һәм киң ягын җыебрак “Мандарин” салатына кадап куярга.

Шулай итеп табынны бизәрлек, кунакларда кызыксыну уятырлык "Мандарин" салаты әзер.


  Без Инстаграмда

Фикерләр








Аш-су

Кузгалак пирогы рецепты

Бакчада кузгалаклар борын төртә башлауга ук шулардан пирог пешерәм. Кузгалак пирогын төрлечә пешереп караганым бар. Минем карашка, иң тәмлесе катлы (слоеный) камырга салып пешерелгәне. Катлы камырны "Бездрожжевое" дигәнен алам.

Аш-су

Фольгада пешкән сибас балыгы

"Ел ир-аты: хатын-кыз карашы – 2014" республика бәйгесендә "Хатын-кыз – бизнес-леди" номинациясе җиңүчесе, эшмәкәр ханым Миләүшә Зариповадан фольгада сибас балыгы пешерү рецептын тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла