Лимонлы кабартмалар рецепты
Минзәләдә яшәүче Тәския Вәгыйзовадан лимонлы кабартмалар рецептын тәкъдим итәбез.
Камыр өчен: 1 стакан сөткә 2 йомырка, ярты кап “Хозяюшка” маргарины, 1 аш кашыгы лимон согы, 30 гр чи яисә бер олы кашык коры чүпрә.
Камыр басабыз, апара кирәкми, салкынга куярга.
Крем өчен: ике лимонның согына 2-3 йомырка сарысы, 200 гр шикәр комы салырга, утка куеп куертырга.
Камырны алып жәяргә, йомшартылган ак май сыларга, дарчин (корица) да сибәргә мөмкин, кем нәрсә ярата инде, ванилин, шикәр комы да ярый.
Рулет кебек төрәбез кисәкләргә бүләргә, табага тезәргә. Алар кабарып пешә, өстен крем белән сыларга, кремны кабартмаларга кайнар килеш сөртергә кирәк.