Кыздырылган "Кока-кола" рецепты

8 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйсән ХАФИЗОВА
Фото: Ләйсән Хафизова
"Кока-кола" эчемлеген кыздыруны американнар уйлап тапкан.
Ингредиентлар: 2 стакан "Кока-кола", 3 йомырка, чәй кашыгы очында тоз, 4 аш кашыгы шикәр комы, ярты чәй кашыгы аш содасы, 4 стакан чамасы он.

Беренче тапкыр пешереп караганда, әйберләрне ике тапкыр киметеп алып карау хәерле. Әзер ризык ошап китсә, күбрәк итеп ясарга да булыр.

Ризыкны әзерли башлаганчы, тирән эчле табага ярты литр чамасы үсемлек мае салып, кызарга куярга кирәк. Фритюрницада да әзерләп була.

Башта аерым савытта он белән аш содасын бергә болгатып куегыз. Әзер торсын.

Йомыркаларны тирән эчле савытка ватып, яхшылап тугларга. Тоз, шикәр комы кушарга. Шушы массага "Кока-кола" салырга. Ул күбекләнеп чыга. Шуның өстенә тиз генә онны салырга һәм яхшылап болгатырга. Газлары чыгып бетмәсен өчен, җитез генә эшләп куярга кирәк. Куе камыр килеп чыга. 

Шуннан соң әзер камырдан ике кашык ярдәмендә шарчыклар ясап, кызган майга салып, пешерергә кирәк.


Онны күбрәк салып, камырны тыгызландырырга да мөмкин. Бу очракта шарчыкларны кул белән әвәләп була. Кулга үсемлек мае сөртеп җибәрсәң, шарчык әвәләү җайлырак булыр.

Сыек камырдан ясалган "Кока-кола" эчендә тишемнәр күбрәк һәм ул йомшаграк була. Камырда оны күбрәк булса, шарчыклар тыгыз һәм катырак була.

Кыздырган "Кока-кола"ның өстенә шикәр оны сибеп, бал, кайнатма, куертылган сөт белән ашарга була.


  Без Инстаграмда

Фикерләр








Аш-су

Тиз маринадланган шампиньон гөмбәсе

Казанда яшәүче Дамира Максутова тәмле ризыклар пешереп кенә калмый, ә аларны матур итеп бизи һәм "тәмле" итеп фотога төшерә.

Аш-су

Итле кыстыбый рецепты

Питрәч районында итле булмаган ашны "кысыр" ризык диләр. Димәк, кыстыбый да шундыйлар рәтенә керә. Бу кагыйдәне бозып, кыстыбыйны да итле итеп пешердем әле. Яратып ашадылар.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла