Койка (рецепт)

8 ноябрь 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлүзә Василова
Күркә аякларыннан һәм сыер итеннән койка ясарга тәкъдим итәм. Шундый йомшак, тәмле була, балалар да теләп ашый.
5 литр суга: күркәнең 6 аягы, 2-2,5 кг сөякле сыер ите, ике уртача зурлыктагы суган, 2 уртача кишер, 4-5 лавр яфрагы, тәменчә тоз һәм борыч, 6-7 тырнак эре сарымсак.

Суга күркә аякларын һәм итне салып кайнатырга куярга, кайнап чыккач өстен җыярга һәм сүрән утта калдырырга. 3 сәгать кайнаганнан соң тоташ килеш кишер һәм кабыгы белән суган, тоз-борыч салырга һәм тагын 1-2 сәгать кайнатырга (ит сөягеннән аерылганчы).

Аннары итләрне шулпадан алырга, суынгач сөякләреннән аерырга, иттарткычтан сарымсак белән бергә чыгарырга.

Шулпаны сөзәргә һәм ит массасы белән лавр яфракларын шунда салып кайнатып чыгарырга. Аннары формаларга салырга. Балалар кызыгып ашасын өчен форма астына катырылган борчак, кукуруз салып калдырырга мөмкин.

Берьюлы гына бу кадәр койканы ашап бетереп булмый, шуңа күрә оешкач аның күпмедер өлешен катырырга мөмкин. Бик җайлы булачак. Койка ашыйсы килгәндә, савыт төбе күмелерлек кенә кайнаган су салырга һәм сүрән утта каткан койканы эретергә, берничә тырнак сарымсак сытарга мөмкин һәм яңадан формага салып салкынга куярга.

Фикерләр








Аш-су

Ясмык белән томалап пешерелгән яшелчәләр рецепты

Казанда яшәүче Алсу Бурееваның дөрес туклану көндәлегеннән ясмык белән яшелчәләр пешерү рецептын тәкъдим итәбез.

Аш-су

Йомыркалы рулет

Казанда яшәүче Алсу Бурееваның дөрес туклану көндәлегеннән йомыркалы рулет рецептын тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла