Кибет печеньесыннан торт
Кибет печеньесыннан җайлы гына торт ясау рецептын тәкъдим итәм. Бер тортка төрле печенье куллана аласыз.
Крем өчен: 750 грамм сөт, 1 стакан ярым шикәр комы, 3-4 аш калагы он,1 грамм ванилин, 2 йомырка, 200 грамм атланмай.
Барысын бергә кушабыз (атланмайдан башка) һәм газга куеп болгата-болгата кремны куертабыз. Ахырдан шушы кремга атланмайны кушып тагын болгатып алабыз. Крем әзер.
Хәзер инде печеньеларны крем белән чиратлаштырып сылап тортны өябез.Торт әзер,салкынга куябыз.
Тортны кичтән ясасагыз тагын да тәмле була.Чәйләрегез тәмле булсын!