Катлы камырдан гөмбә пәрәмәче
Ашыкканда бик җиңел, тиз арада пешерелә торган катлы камыр белән гөмбә пәрәмәче рецептын тәкъдим итәм.
Пәрәмәчләр чүпрәле, катлы кибет камырыннан пешерелә.
Эчлек өчен кишер белән суганны майлы табада кыздырырга, маринадланган гөмбә, кызган суган һәм кишерне бергә кушып блендерда вакларга.
Эчлеккә тоз-борыч кушарга кирәкми, гөмбәнең үз маринад тәме дә җитә.
Камырны җәяргә, шакмаклап кисәргә, әзер эчлекне салырга. Камырның почмакларын кара-каршы китереп тоташтырырга. Өстенә тугланган йомырка сылап, кызган духовкада пешерергә.
Кайнар килештә, салкын килештә бик тәмле була.